او ذات اؤز دوریده اؤقیمشلی ودانشمند کیشی بؤلگن . باشلنعبچ تعلیمنی اؤز قیشلاغیده،یؤقاری معلوماتنی ایسه کاشغر مدرسه لریدن بیریده آله دی. آته سی خانزاده،سرکرده بؤلگنی اوچون محمود کاشغری حربی تعلیمات جمله دن،یای آتماق ،آت سوریش،آو قیلیش کبی دورنینگ عنعنه وی  مشغولاتلرنی اؤته  یدی . شو نینگدیک، کاشغری اؤزبیلیم وملکه سینی آشیریش مقصدیده بخارا، سمرقند،مرو، نیشاپور و بغدادگه سفر قیله دی.او 7- 8 ته تیلنی(تورک،فارس،عرب،روم،ختای...)تیللرینی پخته ایگه للیدی. شونینگدیک،عربیتدن سباق آلیب،کلام، حدیث، صرف،نحوو فقه علملرینی  هم چقور اؤرگنه دی.او 1056-1057 -إینچی أیللری مملکتیده یوز بیرگن اوروش ونزاعلر عاقبتیده ترک دیار ایلب، قرداش تورکی خلقلر یشه یدگان ییرلرگه سفرقیلیب،تورکالوژی(تورکی شناسلیک) ساحه سیده چقور تدقیقات ایشلرینی باشله یدی. اؤن بیش أیل دوامیده قرداش قورملر  یشه یاتگن حدودلرنی کیزیب چیقیب،اولرآره سیده عمر گذرانلیک قیلیه دی و۱۱۱۸ إینچی أیلی  کاشغرگه قیتیب کیه دی . کاشغری شو پیتده،تورکی قبیله و قوملری حیاتی، تورموش طرزی،عرف-عادتی،مدنیتی،علمی،کوی- قؤشیغی وصنعتی بیلن یقیندن ته نیشه دی،اینیقسه، تورکی ایلتلر، قبیله واورغلر تیل خصوصیتلرینی تدقیق قیلیش بیلن شغلله نه دی. عالم اؤز آلدیگه قؤیگن ریجه ومقصدینی عملگه آشیریش اوچون  کاشغردن باشلب ماورالنهر، بخارا،خوارزم، فرغانه گچه بؤلگن ییرلرنی سیاحت قیلیب،کیزیب چیققن؛ تورکی قوملرنینگ کیلیب چیقیشی،جغرافی یرله شیوی،نامله نیشی کبی مساله لرنی سینچیکلب اؤرگنه دی.شوندن سؤنگ 15- أیل دوامیده 1074-إینچی أیلی جوده کتته محنت عوضیگه  أیغیب تؤپله گن معلومات و سؤز خزینه سینی آرقه لب، بغدادگه یؤل آله دی. اؤشه پیتده،بغدادده اسلام  دینی علم-ُ فنی ومدنیتی گورکیره ب رواجلنگن همده تورکی خلقلرسلطنتی  یوکسه لیش پلله سیگه کیرگندی . شونگه کؤره،  بغداد دارالخلافه سیده  تورکی تیللرنی اؤرگنیش،تورکی خلقلربیلن چقور علاقه گه کیریش ضروتی سیزیلردی. باشقچه ایتگنده ، تورکی تیلنی عربلرگه اؤرگه تیش ضرورتی پیدا بؤلگندی. کاشغری دیواننی 107۲- 1077أینچی أیللری آره سیده یازیب بیتتیره دی.تخمین قیلیشلریچه،محمود اؤشنده 88 یاشلر اطرافیده بؤلگن. ایریم منبعلرده محمود کاشغری ۱۱۲۶-إینچی أیلی  وفات ایته دی،-  دیئله دی (کاشغری نینگ توغیلگنی و اؤلگنی سنه لری باره سیده بیر تؤخته مگه کیلینمه گن). اؤشه دورده اسلام عالمنی   اداره قیلیب کیله یاتگن بغداد خلیفه سی  عبدالله ابن محمّد المقتدای بامرالله سرایگه یؤل تاپه دی.واؤشه    یرده تورکی شناسلیک بؤییچه تدقیقات إیشلرینی دوام ایتتیره دی . کاشغری اؤزی نینگ عالمگه مشهور «دیوان الغات الترک» اثرینی یره ته دی. کتابنی عباسیلردن بؤلگن عبدالله ابن محمّد دارالفنونیگه بغشله یدی . بوندن آلدین محمودکاشغری «جواهرالنحو فی الغات الترک»(«تورکی تیلر نحوی قاعده لری»)    کتابینی یازیب بیتیرگن ایدی، بیراق، بواثرحاضرگچه تاپیلگن ایمس. بو کتاب کاشغری نینگ «دیوان الغات الترک»اثریدن کؤره هم اهمیتلیراق دیر. زیرا،نحو علمینی تورکی تیللرگه تدبیق قیلیب اؤرگنیش هم نظری همده عملی تاماندن نادر ایشدیر. مذکوراثر تاپیلسه، بوندن 1000 أیل آلدین تورکی تیللرده گپ توزیش    قاعده – قانونی ومعیاری حقیده طرفه معلوماتگه ایگه بؤلگن بؤلور ایدیک.

محمود کاشغری 1080–إینچی یاکی 1028-إینچی أیللرده اؤزی توغیلیب اؤسگن یورتیگه قیتیب کیله دی    و کاشغر شهریده قؤنیم تاپه دی. بویوک قاموسی عالم1105-دِنچی میلادی أیلی97یاشده                         عالمدن کؤز یومه دی.

                                                 محمود کاشغری مقبره سی

کاشغری اؤز بابا ،اجدادلری دفن ایتیلگن اوپَل مزاریده دفن قیلینه دی. کاشغری نینگ مقبره سی بوگونگچه «حضرت ملاّم مزاری» بیلن مشهوردیر. کؤپ أیللرگچه بو مقبره اوستیده بحث یوراردی، 1984إینچی أیلی بوتارتیشولرگه نقطه قؤئلیب، مزار بویوک محمود کاشغرینیکی، ایکنی  قدیمشناسلرتامانیدن تؤله تصدیغنی تاپدی . اوشبو مقبره حاضرگی پیتده عام وخاصلرنینگ زیارتگاهیگه ایله نگندیر.